網紅的藏寶箱汲取經驗，記住教訓，下次才會進步
//
而每一個狂潮中，都會製造海量股神，總會以為自己眼光獨到，買乜升乜，但當冷水照頭淋，有幾多斤両就無所遁形，有冇適時逃生或減倉，盈利保持到幾多，這些都是客觀的功力指標，新手很可能來不及作出反應，盈利已經報銷，更開始懷疑人生。
老土啲講，失敗乃成功之母，如能從今次汲取到經驗，對往後操盤應有幫助，日後便會學懂保持頭腦清醒，既去衝又識縮，事前制定逃生策略，有事就不會驚慌失措，感到不安時分段減，分注減，減低倉位的同時，亦減低自己的心理壓力，下決定時也會俐落一點。投資係一場長期戰爭，今舖衰咗仲有往後無數咁多舖，今次輸錢賺經驗，下次狂潮時就識時刻警戒自己，進退有序，持之以恒，最終必會反映在成績表上。
//
大茶飯│輸錢經驗 助你檢討得失（青冰） - Yahoo新聞
Search